Reiserabatt - for deg som reiser av og til

Prisar for vaksen med reiserabatt i kroner

Rabatten viser kor mykje rabatt du får om du har det oppgitte billettkjøp innanfor 30 dagar. 

Ved kjøp av 31 billettar, har du oppnådd maksimal rabatt. Kjøper du meir enn 31 billettar, blir prisen 28,20 for kvar billett etter dette i ei sone. 

Reiserabatt er ein ny rabatt frå Skyss som blei innført 1. februar 2024. Når du kjøper enkeltbillettar for vaksen i appen Skyss Billett, får du rabatt frå billett nummer to viss du kjøper fleire billettar innanfor ein periode på 30 dagar. Jo fleire billettar du kjøper innanfor denne perioden, jo større blir rabatten på neste billett. Maksimal rabatt på 40 prosent får du ved kjøp av billett nummer 31 i løpet av 30 dagar. Den personlege rabatten din vil du alltid finne i appen Skyss Billett under Min reiserabatt.

Rabatten gjeld frå billett nummer to du kjøper i appen Skyss Billett.

Hugs å oppdatere appen
Dersom du ikkje har skrudd på automatisk oppdatering må du manuelt oppdatere appen Skyss Billett. Dette gjer du ved å finne Skyss Billett-appen i App Store (iPhone) eller Google Play Store (Android).

Ingenting. Når du kjøper ein enkeltbillett for vaksen i appen Skyss Billett får du automatisk rabatt. Din første billett vil ha fullpris. Ved kjøp nummer to innanfor 30 dagar, får du fram ein ny pris som har fargen grøn, som er den prisen du skal betale med rabatten. 

Men kanskje må du oppdatere appen
Dersom du ikkje har skrudd på automatisk oppdatering må du manuelt oppdatere appen Skyss Billett. Dette gjer du ved å finne Skyss Billett-appen i App Store (iPhone) eller Google Play Store (Android).

Dei som kjøper «vaksen» enkeltbillett i appen Skyss Billett, og som reiser meir enn ein gong i løpet av ein periode på 30 dagar. Det gjeld billetten for Skyss sine  bussar, bybane og båtar som har sonepris.

Reiserabatten gjeld for alle soner, og kjem automatisk for alle som kjøper vaksenbillett i appen. Du treng difor ikkje gjere noko spesielt for å få rabatt.

Rabatten blir rekna løpande ut frå kor mange reiser du har gjennomført dei siste 30 dagane. Rabatten startar på billett nummer to og er då på 2,5 prosent. Deretter aukar rabatten etter kvart som du kjøper fleire billettar. Den aukar mest for dei 10 første billettane.

På billett nummer 11 får du 20 % rabatt, 
På billett nummer 21 får du 30 % rabatt.

Maksimal rabatt kan du få ved kjøp nummer 31, då blir rabatten 40 prosent. Kjøper du fleire billettar enn 31 i løpet av 30 dagar, vil alle billettane etter det ha 40 prosent rabatt. Reiser du sjeldnare igjen, vil rabatten gå ned i same frekvens som den auka.

Din personlege rabatterte pris vil alltid vise i appen Skyss Billett når du skal kjøpe din neste billett. Du kan ikkje samle opp rabatten og bruke han til andre billettar eller spare til seinare.

Rabatten gjeld ikkje for andre billettypar enn enkeltbillett for «vaksen» i appen. Barn, honnør og student har andre rabattar allereie. Rabatten gjeld heller ikkje om du kjøper billett på billettautomat, i nettbutikk eller om bord. Rabatten gjeld heller ikkje på båtane som ikkje har sonepris. Les meir om båtprisar.

Når du har kjøpt billett i appen Skyss Billett, får du opp teksten «Spar meir på neste billett» som tek deg vidare til sida «Min reiserabatt». Du finn også denne sida i menystrukturen i appen under «Min reiserabatt».
Her ser du korleis du ligg an i talet på billettar, kva rabatt du får på neste billett, og kor mykje du har spart sidan du starta med reiserabatt.

På denne sida er det også ei lenke til meir informasjon på skyss.no.

Sidan reiserabatten stig om du reiser meir, og minkar om du reiser mindre, blir det individuelt kva som lønner seg for deg. På «Min reiserabatt» i appen Skyss Billett kan du følge med på kor mykje du har betalt og kor mykje det ville kosta uten reiserabatten dei siste 30 dagar. Då kan du samanlikne det du har betalt med ein periodebillett.

Dei første 30 dagane du reiser med enkeltbillett, vil du opparbeide deg meir og meir rabatt. Viss du har eit fast reisemønster, vil du då sjå kva rabattnivå du vil ligge på med det talet på reiser du har i gjennomsnitt i løpet av 30 dagar. 

NB: Dei første 30 dagane du reiser med reiserabatten vil koste meir enn dei neste 30 dagane med like mange reiser. Det er fordi dei første 30 dagane opparbeider du deg rabatt. Billettane etter dette vil gi deg den opparbeidde rabatten for din neste billett. 

Du vil alltid få den billigaste prisen. Viss du kjøper 10 billettar før du har oppnådd 17 prosent reiserabatt i appen, vil du få grupperabatten på 17 prosent. Dersom du for eksempel har oppnådd 26 prosent rabatt i appen før du kjøper dei 10 billettane, vil du få reiserabatt på 26 prosent på alle dei 10 billettane.

Nei, reiserabatten har ingen samanheng med periodebillettar. Periodebillett er ein annan type rabatt som fungerer som før, med ein fast pris for 7, 30 eller 180 dagar. 

Nei, det er ikkje nødvendigvis slik at det alltid blir billigare. Det kjem an på kor regelmessig du har reist dei siste 30 dagane. Det er alltid talet på reiser dei siste 30 dagane som avgjer kva rabatt du får. 

Ja, dersom billettane er enkeltbillett for vaksen, får du rabatt på alle billettane. Du får då same pris på alle billettane etter kva rabatt du har akkurat no. På sida «Min reiserabatt» kan du sjå at talet på billettar har auka tilsvarande det talet du kjøpte, og du gjer eit hopp på rabattstigen. 

Ja, familierabatten gjeld akkurat som før. Reiser du med inntil fire barn og får familierabatt, vil du få han i tillegg til reiserabatten.

Når du kjøper enkeltbillett for vaksen for Vestland i appane til Entur og Vy, får du også automatisk reiserabatt som aukar etter kvart som du reiser. Men rabattane du opparbeider deg i kvar app, blir ikkje samordna. Det vil seie at du har separate rabattar for kvar app, og dei blir ikkje slått saman. Dermed må du reise med same app for å nytte deg av den oppsamla rabatten i den appen.