Strandkaiterminalen opnar igjen 9. april

Strandkaiterminalen har vore stengd sidan januar på grunn av oppussing. No er arbeidet snart ferdig og reisande kan frå onsdag 9. april ta i bruk det oppgraderte venterommet. 

På det nye venterommet vil du finne fleire sitteplassar og nye toalett. Det er fleire skjermar i lokalet som viser kva tid båtane går, noko vi håpar skal gjere det enklare for deg som ventar på båten. Det er sett inn større vindauge, som gir deg god utsikt både mot Bryggen og til kaia der båtane legg til. Venterommet vil vere ope frå kl. 07.00-23.00 alle dagar.

Vi beklagar ulempene stenginga har ført til i byggeperioden og takkar for tolmodet!