Vil du bli sjåfør
Ønsker du å søke jobb som bussjåfør, bybaneførar, eller som mannskap på båt eller ferje? Sjå korleis du kjem i kontakt med trafikkselskapa her.
Jobbe i Skyss?
I Skyss får du vere med på å påverke kvardagen til folk som bur i Vestland. Vi har eit komplekst samfunnsoppdrag som krev at vi har mange ulike fagfolk på laget vårt.
Skyss er eit kompetanseorgan for mobilitet og kollektivtrafikk. Vi står bak det offentlege tilbodet med buss, bybane, båt og ferje i Vestland fylke, og vi vidareutviklar mobilitetstenester. Vi er stolte av å vere ein av landets leiande mobilitetsaktørar. Skyss går i tet med å ta i bruk ny teknologi for meir berekraftig mobilitet.
Vi har om lag 100 engasjerte tilsette med bakgrunn frå mellom anna juss, økonomi, pedagogikk, marknadsføring, leiing, rådgiving, statsvitskap, geografi, ingeniørfag og informatikk. Dette gir oss kunnskapsrike team med brei kompetanse, og mykje tverrfagleg samarbeid både internt og eksternt.
Ledige stillingar i Skyss
Leiar for digital transformasjon og teknologi
Skyss leverer kvar dag berekraftig mobilitet til tusenvis av menneske. Då er god bruk og forvaltning av teknologi kjempeviktig! No treng vi ein ny medarbeidar til å leie dette arbeidet. Vi har for tida ledig ei fast stilling som leiar for digital transformasjon og teknologi i Skyss. Den nye leiaren vår vil blant anna sikre at Skyss har effektive tekniske løysingar og driftsmodellar, leie og støtte Skyss innan digitalisering og ha personalansvar for åtte dyktige tilsette og éin faggruppeleiar. Vi tilbyr ei fagleg utfordrande og spennande stilling med stor samfunnspåverknad, eit engasjert og triveleg arbeidsmiljø og gode moglegheiter for utvikling!
Les meir og søk på stillinga her (webcruiter.no)
Søknadsfrist 30.01.2025