Kulturbilletten
For grunnskolen til bestilling av kulturbillett.
Det er no opna for bestilling av kulturbillettar for reiser i januar 2025.
Ved spørsmål, ta kontakt med Inger Johanne Aakre Kibsgård, Etat for skole, Bergen kommune, inger.kibsgard@bergen.kommune.no
Gå vidare for å bestille billettar eller sjå historikk
Avtalen
Kulturbilletten er ein avtale mellom Skyss og Bergen kommune om transport for kulturføremål for å fremje kvalitet i opplæringa. Kvar skole skal bidra til at elevane får ei innføring i skikk og bruk på transportmiddelet før reiser blir gjennomførte.
Avtalen inneber:
Kvar skole bestiller billettane sine gjennom denne løysinga. Det må bestillast éin billett for tur og éin for retur. Føremålet skal vere ei DKS-oppleving innanfor Bergen kommune. Billetten gjeld for opp til 33 elevar og 2 lærarar.
Reiser må gå føre seg innanfor dette tidsrommet måndag-fredag:
- Buss og bybane: 09.00–13.50.
Legg merke til at løysinga viser rutetider heile døgnet, men du kan berre velje tidspunkt innanfor tidsromma over.
Gruppene må vere budde på at heile eller delar av gruppa må vente til neste avgang dersom det er fullt på buss/bybane. Billetten vil vere gyldig sjølv om den ikkje viser heilt rett avgangstid dersom gruppa må vente til neste avgang.
Hugs å bestille returbillett! Det må bestillast éin billett for tur og éin for retur.
Kulturbilletten skal ikkje brukast til transport som vanlegvis blir rekvirert av skolane, til dømes transport til svømmeundervisning, ekskursjonar, studiebesøk osv.
Ein kan bestille billettar for inneverande halvår. På bybanen kan det vere fleire enn 35 tilgjengelege plassar sjølv om systemet maksimalt viser 35 ledige på kvar avgang. Bestill billettar på avgangen før eller etter dersom fleire enn 35 personar skal reise på same tid. Desse avgrensingane gjeld:
Bybanen: 70 personar på kvar avgang.
Bestilte reiser kan kansellerast fram til dagen før reisedagen.
Dette gjer du under Mine reiser. Her kan du òg sjå alle bestillingar, både dei som ligg fram i tid og reiser som er gjennomførte.