Prissoner og sonekart

Sonene gjeld når du skal reise med

• Skyss sine bussar i Vestland
  • Merk: På flybussane i Førde og Sogndal gjeld eigne prisar og reglar. 

• bybanen i Bergen 
• båtruta Kleppestø–Bergen (sone A)
• båtruta Knarvik–Frekhaug–Bergen (sone A)
• båtrutene i Florabassenget (sone H): Florø–Veiesund–Askrova–Stavang–Svanøy, Florø–Rognaldsvåg–Kinn, Florø–Barekstad–Batalden–Fanøy og Florø–Barekstad–Batalden–Fanøy–Rognaldsvåg–Kinn
• tog mellom Bergen og Voss

På dei fleste båtrutene i Vestland blir billettprisen bestemt av avstanden mellom kaiene. Du finn informasjon om prisar og rabattar på båt her.

Prissonene er geografiske område som blir brukte til å bestemme prisen på reisa di. Når du kjøper billett, betaler du for antalet soner du reiser i, uavhengig av kor langt du reiser i kvar sone. 

Nyttig å vite:

• Enkeltbillettar for éi sone er gyldige i 60 minutt. Varigheita aukar med 30 minutt for kvar sone du betaler for.
• 24-timarsbilletten er gyldig i eitt døgn i den eller dei sonene du kjøper billett for.
• Periodebillettar er gyldige for eit uavgrensa antal reiser i den eller dei sonene du kjøper billett for. Du kan kjøpe periodebillett for 7, 30 eller 180 dagar.
• Alle billettypane er gyldige for reiser med buss, bybane, båt og tog innanfor den eller dei sonene du har kjøpt billett for.
• Du betalar aldri for meir enn fire soner, uansett kor mange soner du reiser gjennom.

Tips: Har du periodebillett for éi sone, men treng å reise inn i ei anna, kan du kjøpe enkeltbillett for den sona du ikkje allereie har billett for.

• Her finn du meir informasjon om dei ulike billettane våre
• Her finn du meir informasjon om korleis du kan bruke Skyss-billettar på ekspressbuss

Sonene i Vestland er delte inn med bokstavnamn frå A til J.

• Sone A: Kommunane Bergen, Askøy, Øygarden, Osterøy, Alver, Austrheim, Fedje og tidlegare Os kommune
• Sone B: Områda rundt Bjørnafjorden
• Sone C: Sunnhordland
• Sone D: Odda, Eidfjord og Rosendal
• Sone E: Voss, Granvin og Ulvik
• Sone F: Samnanger, Kvam, Vaksdal og Modalen
• Sone G: Masfjorden, Gulen og sørsida av Høyanger kommune
• Sone H: Sunnfjord, Solund, Hyllestad, Høyanger (nordsida), Fjaler, Askvoll og den sørlege delen av Kinn
• Sone I: Stad, Bremanger, den nordlege delen av Kinn, Gloppen og Stryn
• Sone J: Aurland, Lærdal, Årdal, Vik, Sogndal og Luster

Sjå detaljert kart over sonene her.

Finn ut kva sone du skal reise i

Finn sone i appen: I appen Skyss Billett kan du søke opp haldeplassane du skal reise frå og til, og sjå kva soner dei ligg i.

Finn sone i kartet: I dette kartet finn du haldeplassane dine og detaljert oversikt over sonene.